آپ کا نام؟
میرا نام ایم بی یعنی میں بکرا
۔
عمر؟
جوانی کی عمر ہے وہ کسی شاعر نے کیا خوب کہا ہے کہ
ابھی تو میں جوان ہوں
ابھی تو میں جوان ہوں
۔
آپ کی پسندیدہ خوراک؟
گوشت کےعلاوہ ہر سبزی شوق سے کھا لیتا ہوں' پسا ہوا باریک چارہ شوق سے کھاتا ہوں' کولڈ ڈرنکس میں ' روح افزاء جام شیریں پسند ہے' آئیس کریم مجھے والز کی ہی اچھی لگتی ہے۔
۔
اپنی زندگی کے سفر کا مختصر حال بیان کریں۔
میں نے زندگی کا بغور مشاہدہ کیا ہے' میں نے دیکھا ہے کہ اب وہ پہلے سے زمانے نہیں رہے' پہلے مہنگائ نہیں ہوتی تھی' خوشحالی تھی' چارہ وافر ملتا تھا' اب تو لوگوں کا بس نہیں چلتا کہ' کسی سائیکل والی دکان پر لے جاکر ہم بکروں میں ہوا بھروا دیں۔ بس اسی قسم کے معاشی حالات میں پل کر میں جوان ہوا ہوں' حالات اچھے ہوتے تو' آج میرا بھی بکروں میں نام ہوتا' خیر اللہ کا شکر ہے' جو ملا اس پر صبر شکر' بس چوری چھپے کبھی ادھر منہ مارا' تو کبھی ادھر ' کبھی کسی کی فصل میں گھس گئے' تو کبھی کسی کے پودے نوش فرمائے' ایسے ہی زندگی کٹ رہی ہے' ٹھوکریں کھاتے کھاتے' میرا بڑا دل کرتا ہے کہ میں بکروں کی انجمن بناءوں' مگر کیا کریں' جب بھی چار بکرے اکٹھے کرتا ہوں' وہ بکراعید پر ذبح ہوجاتے ہیں' پھر نئے سرے سے بکرے اکٹھے کرنے پڑتے ہیں۔
میرے گھر والوں نے بھی میرے ساتھ تنگی دیکھی ہے' اللہ ان سب کی روحوں کو سکون بخشے۔
میرے والد مرحوم بلکہ شہید کہا کرتے تھے کہ کبھی کسی انسان پر اعتبار نہ کرنا' حالانکہ ہم بکرے کسی بر اعتبار کریں یا نہ کریں فرق کیا پڑتا ہے' بس ایسی ہی نصیحتیں کرتے کرتے راہ حق میں شہید ہوگئے۔
۔
بچپن کا کوئ دلچسپ واقعہ ؟
ایک بار میں جب چھوٹا بچہ تھا تو میں ریوڑ سے الگ ہوگیا' چرواہے کو علم ہی نہ تھا ' مجھے خوشی تھی کہ میں آزاد ہوگیا ہوں' لائن میں لگ کر جاتے ہوئے مجھے شدید غصہ آتا تھا' جیسے سکول کے بچوں کو پی ٹی کروائ جارہی ہو ۔ بس میں سوچنے لگا کہ کبھی غلامی کی زندگی نہیں گزاروں گا' مگر جلد ہی مجھے اپنے گھر والوں کا خیال آیا ' میں دوبارہ ریوڑ میں شامل ہونے کے لیے بھاگا' مگر ریوڑ جا چکا تھا' مجھے ایک عورت نے تنہا دیکھا تو پیار کیا اور اپنی گود لے لیا' میں اس کے پاس دو ' تین دن رہا' میرا بہت خیال رکھتی تھی' جیسے اسکا سگا بیٹا تھا' کہاں وہ جاہل چرواہا اور کہاں ماں کی مامتا ۔۔۔
مگر تین دن بعد چرواہے کی نظر مجھ پر پڑ گئ' بس پھر سے ریوڑ میں۔۔۔۔ مگر وہ تین دن میری زندگی کے خوبصورت ترین دن تھے وہ کبھی نہیں بھول سکتا'
۔۔۔۔۔۔
کوئ خوشی کا یادگار لمحہ؟
ایک دفعہ موسیقی کا مقابلہ ہوا تھا وہاں میں نے گیت گایا تھا۔
میں ' میں ' میں
میں ' میں ' میں
سب نے ایک ہی گیت گایا' مگر مجھے سر کی وجہ سے اول پوزیشن دی گئ 'بکروں کے چئیرمین نے مجھے بکروں کا جسٹن بابیبر' قرار دیا ۔
۔
ایسا لمحہ جسے یاد کرکے آنکھیں بھیگ جاتی ہیں؟
جی جب میرے والد کو قصائ کے ہاتھ بیچ دیا گیا' وہ میری زندگی کا سب سے کربناک دن تھا' میں ساری رات سویا نہیں ' کئ دن تک پڑوس کے ناکام عاشق کی دیوار سے لگ کر ' اس کی لگائ ہوئ غمگین غزلیں سنتا رہا ۔
۔
کبھی کسی سے محبت ہوئ، محبت کے بارے میں کیا کہتے ہیں؟
بڑا ذاتی نوعیت کا سوال پوچھ لیا' محبت کس بکرے کو نہیں ہوتی؟ سب کو ہی ہوتی ہے' میری زندگی میں بھی ایک خوبصورت بکری آئ تھی ' مگر بے وفاء نکلی ' میرے حصے کا بھی چارہ کھاجاتی تھی' ایک طرح سے وہ مجھ سے فلرٹ کرتی رہی ' بس وہ کسی اور بکرے سے محبت کرتی تھی' میری محبت یک طرفہ تھی' میں اس کے عشق میں پاگل ہوگیا' سب بکرے مجھے سمجھاتے کہ بکرا بن گدھا نہ بن ' مگر میں دل کے ہاتھوں مجبور تھا۔ اس کو بھلاتے ہوئے مجھے زمانے لگے ۔۔ اب وقت کے ساتھ ساتھ ' بہت کچھ بھول گیا ہوں' اب بس مجھے اس کی صورت ہی یاد رہ گئ ہے۔ بہر حال اب وہ کسی اور کی عزت ہے ' اس لیے میں مزید کوئ بات اس کے بارے میں نہیں کرنا چاہتا ۔
۔
آپ کی کس عادت سے دوسرے تنگ رہتے ہیں۔
میں ' میں میں بہت کرتا ہوں' یعنی کہ باتیں بہت زیادہ کرتا ہوں کئ بکروں کو یہ بات اچھی لگتی ہے کئ بکروں کو یہ بات بہت بری لگتی ہے۔
کیسے لوگ اچھے لگتے ہیں؟
ہم بکروں کو تو وہ ہی مالک اچھے لگتے ہیں ' جو خوراک کا خیال رکھیں' اپنی نہیں ہماری ۔۔۔۔۔۔
۔
ایک تمنا جو پوری نہ ہوسکی؟
کہ جس سے محبت تھی اسے ایک بار دل کا حال کہہ پاتا' کسی نے سچ کہا ہے کہ محبت کو دل میں نہیں رکھنا چاہئیے ایک بار اظہار ضرور کرنا چاہئیے ' آج کل بکرے محبت میں ناکام نہیں ہوتے' کیونکہ ان کو محبت بعد میں ہوتی ہے' اظہار پہلے کردیتے ہیں۔
۔
زندگی سے سیکھی ہوئ کوئ بات جو ہم سے شئیر کرنا چاہتے ہیں۔
وہ ہی جو میرے والد مرحوم بلکہ والد شہید کہا کرتے تھے ' کہ کسی پر اندھا اعتبار نہ کرو' مگر ہم بکروں کو کیا فرق پڑتا ہے ہم کسی کا اعتبار کریں یا نہ کریں' مگر یہ راویت چلی آرہی ہے کہ ہم بکرے ازل سے بس ایک ہی نصیحت کررہے ہیں کہ کسی پر اندھا اعتبار نہ کریں۔
۔۔
کس مالک کے ہاتھ فروخت ہونا پسند کریں گے؟
یہ بات کرکے آپ نے میری عزت نفس کو ٹھیس پہنچائ ہے ' آپ کو شاید اس بات کا علم نہیں ہے کہ بکرے کا دل کتنا نازک ہوتا ہے ' کوئ چاہتا ہے کہ اسے غلامی کی زنجیر بلکہ رسی پہنائ جائے ' ویسے ہم کو ایسے مالک اچھے لگتے ہیں جو خوشحال ہوں' جو وافر مقدار میں چارہ بروقت سپلائ کرتے رہیں۔
۔
آپ نے یہ گروپ کیوں جائن کیا؟
کیونکہ سنا ہے اس بزم میں میرے جیسے سینکڑوں درد دل رکھنے والے ' ناکام عاشق اور نیم ناکام عاشق موجود ہیں' یہاں اپنائیت کا احساس ہے' پھر جب لوگ یہاں آکر میں 'میں کرتے ہیں تو ایسے لگتا ہے کہ میں اپنی برادری میں ہی ہوں۔
۔
عید قرباں کے بارے میں کیا کہتے ہیں؟
ہر نفس کو موت آتی ہے' موت ایک حقیقت ہے' ہم ان لاکھوں انسانوں سے بہتر ہیں جو بغیر کسی مقصد کے زندگی پوری کرکے مر جاتے ہیں' اللہ نے ہمیں مقصد کے تحت تخلیق کیا ہے' اللہ کا لاکھ لاکھ شکر ہے' بس ایک بات کہنا چاہتا ہوں کہ ہمیں اللہ کی راہ پر قربان کریں' تو نیت اللہ کی رضاء کی رکھیں' ہمیں حرام کے پیسوں سے خریدنے کی کوشش نہ کریں' نہ ہی فریج میں رکھ کر ہمیں مہینوں سردی میں ٹھٹھرنے پر مجبور کریں ۔
۔
بزم کے بارے میں اپنے تاثرات کا اظہار کریں
اچھی بزم ہے' یہاں آکر سکون ملتا ہے ' اپنائیت کا احساس ہوتاہے' مجھے لگتاہے کہ یہاں پر موجود اکثر لوگ غلطی سے آدمی بن گئے ' اصل میں ان کی سوچ ہم بکروں سے بہت ملتی
ہے' اللہ اس بزم کو ہمیشہ آباد رکھے آمین۔
ہے' اللہ اس بزم کو ہمیشہ آباد رکھے آمین۔
HaHaha
جواب دیںحذف کریں